Біз бәріміз бір ортақ іске жұмылған отбасы сындымыз
Айбек Нұрлыбаев, "Интергаз Орталық Азия" АҚ "Орал" МГҚБ" филиалы бас диспетчерінің орынбасары.
Заманауи құралдар мен оңтайлы тәсілдерді қолдана отырып, жұмыс іздеу барысын едәуір жеңілдетуге болады. "Интергаз Орталық Азия" АҚ "Орал" МГҚБ" филиалында бас диспетчердің орынбасары болып істейтін Айбек Нұрлыбаев бағындырған белес туралы осылай айтсақ, әбестік етпес.
Газ саласындағы мансабын бастаған ол қарапайым түлектен бастап кәсіби байқаулардың жүлдегеріне дейінгі ұзақ жолды жүріп өтті. QSamruk.kz платформасы оған жаңа мүмкіндіктер табуға көмектесті. Осының арқасында кейіпкеріміз өзінің кәсіби көздегендері мен дағдыларына сәйкес жұмыспен қауыша алды.
Бүгін Айбек мансаптық мүмкіндіктер, қиындықтарды жеңу және алға жылжудағы ынта-жігер туралы әңгімелеп, өз тәжірибесімен бөліседі.
Айбек Нұрлыбаев Уфа мемлекеттік мұнай техникалық университетінің тау-кен-мұнай факультетін бітірген. Бакалавр дәрежесін алғаннан кейін ол "Күрделі жағдайларда ұңғымаларды пайдалану" бағыты бойынша магистратурада оқуын жалғастырды. Айбектің кәсіби еңбек жолы "Атырау" МГҚБ" филиалының Мақат ЖӨБ технологиялық компрессорларының машинисі қызметінен бастау алды.
Айбек "Интергаз Орталық Азия" компаниясы туралы оның ауқымды қызметі туралы әңгіме өрбіткен таныстарының арқасында білді. Содан газ саласындағы жұмысқа қызығушылық танытып, өзінің қарым-қауқарын "QazaqGaz" Ұлттық компаниясының ірі еншілес кәсіпорындарының бірінде сынап көруді шешті.
Жұмыс іздеуге кірісіп, QSamruk.kz платформасында тіркелді.
"QSamruk.kz платформасы өте ыңғайлы болып шықты. Өйткені бір сайттың ішінде экономиканың әртүрлі салаларындағы барлық бос орындар, түйіндемелер (оларды қолмен толтыруға немесе импорттауға болады), компаниялар туралы ақпарат және биік асуларға қол созып, дамуға шабыттандыратын жұмысшылардың табыс оқиғалары бар. Сайттың интерфейсі қарапайым және түсінікті", - дейді Айбек.
Тестілеуден және әңгімелесуден өткеннен кейін Айбек "Интергаз Орталық Азия" АҚ Атырау филиалының Мақат желілік өндірістік басқармасында машинист лауазымынан газ саласында жұмыс істеу туралы ұсынысқа жолықты.
Қазіргі кезде Айбек "Интергаз Орталық Азия" АҚ "Орал" МГҚБ" филиалында бас диспетчердің орынбасары еңбек етеді. Оның міндетіне магистральдық газ құбырлары арқылы газ тасымалдауды жедел басқару, үздіксіз транзитті қамтамасыз ету және тұтынушыларға газ беру кіреді.
"Өз жұмысымда қазірдің өзінде туған шаңырағымдай болып кеткен "Интергаз Орталық Азия" компаниясының маған берген білімі мен дағдыларын толық көлемде қолдану мүмкіндігін бағалаймын. Әсіресе қиын жағдайларда және оңтайлы шешімдерді өз бетімізше іздеу жағы қарастырылған. Бізге өз құзыреттерімізді дамытуға және үнемі жетілдіруге мүмкіндік беретін Интергаздың білікті кадр және әлеуметтік саясаты өте ұнайды. Сондай-ақ, маңызды жайттың бірі – айрандай ұйыған тату ұжым жанды жадыратып, күш сыйлайды. Мұнда біз бәріміз бір ортақ іспен айналысатын бір отбасы сияқтымыз - бұл - табиғи газды елдің газ тамырлары арқылы үздіксіз тасымалдау", - деп атап өтті ол.
Айбек кәсіби қызметінен басқа, спортпен белсенді айналысады. Ол Алматы марафонына 21,1 км қашықтықта қатысып, енді Дағыстан тауларындағы жарыста бақ сынауды жоспарлап отыр. Ол сонымен қатар туризмге әуес, манга оқиды және жапон мәдениетін үйренуде.
Болашақта Айбек YouTube алаңында өзінің подкаст-арнасын құруды межелеуде. Онда қызықты адамдармен сұхбаттасып, олардың кәсіби және өмірлік оқиғаларымен бөліспек
Сіз де Айбек сияқты QSamruk.kz платформасы арқылы арманыңыздағы жұмысты таба аласыз!
Бүгінгі таңда сайтта 260 000-нан астам үміткер тіркелген. Ал 2019 жылдан бастап 70 000-нан астам бос жұмыс орны орналастырылған. Платформа жұмыс істеген барлық уақытта 800 000-нан астам жауап берілді. Тіркеліңіз, түйіндемені толтырыңыз және арманыңыздағы жұмысты табыңыз!